ජ්‍යෙෂ්ඨ පුරවැසියන් සඳහා සේවාවන්
| 
| 
ජ්‍යෙෂ්ඨ පුරවැසියන් සඳහා සේවාවන්
අරමුණ -: ක්‍රමයෙන් වැඩිවන වයෝවෘද්ධ ජනගහණය උදෙසා , වඩා යහපත් ජීවන තත්වයක් සුරක්ෂිත කරනු පිණිස දායක වීම.
සැපයෙන සේවාවන්
« මහජනධාර ක්‍රමය ක්‍රියාත්මක කිරීම
« අක්ෂී ශල්‍යකර්ම සඳහා කාච සැපයීම
« නේවාසික රැකවරණය සඳහා යොමු කිරීම
« නිවාස වෙනුවෙන් නඩත්තු හා ප්‍රතිශීර්ෂාධාර ගෙවීම
« ග්‍රාමීය වැඩිහිටි කමිටු හා ප්‍රාදේශීය හා පළාත් වැඩිහිටි බල මණ්ඩල පිහිටුවීම හා ශක්තිමත් කිරීමට දායක වීම, දැනුවත් කිරීම
« වැඩිහිටි හැඳුනුම්පත් නිකුත් කිරීම
« අක්ෂි සායන හා වෛද්‍ය සායන සංවිධානය
« ඇස් කණ්ණාඩි සැපයීම
ක්‍රියා පටිපාටිය
මහජනාධාර ක්‍රමය ක්‍රියාත්මක කිරීම
« කිසිදු ස්ථීර ආදායමක් නොමැති වයස අවුරුදු 60 ඉක්මවූ කාත් කවුරුත් සැකීමට නොමැති අසරණ ස්ත්‍රී. පුරුෂ දෙපක්ෂයම වෙනුනෙක් මාසික දීමනාවක් වශයෙන් මහජනාධාරයක් ලබා ගත හැකිය.
අක්ෂි ශල්‍යකර්ම සඳහා කාච සැපයීම
« ආබාධ සහිත පුද්ගලයින් සඳහා උපකරණ ආධාර සැපයීම යටතේ මේ ගැන දක්වා ඇති කරුණු මීට අදාල වේ.
නේවාසික රැකවරණය සඳහ යොමු කිරිම
« කිසිදු ස්ථීර ආදායමක් නොමැති වයස අවු: 60 ඉක්මවූ කාත් කවුරුවත් සැලකීමට නොමැති අසරණ ස්ත්‍ර, පුරුෂ දෙපක්ෂයම මේ සඳහා සුදුසුකම් ලබයි.
« එවැන්නෙකුට පදිංචි පළාතේ ග්‍රාම සේවා නිලධාරී වෙත ලිඛිත ඉල්ලීමක් කළ හැකිය.
« නිවාසගත කිරීමට අදාල පුද්ගලයාගේ හා පවුලේ විස්තර සහිතව එම ඉල්ලීම ප්‍රාදේශීය ලේකම් කාර්යාලයට ග්‍රාම සේවා නිලධාරී විසින් යොමු කෙරේ.
« තමන්ගේ වැඩපල තමන්ටම කරගතහැකි, බෝවන රෝගයකින් හෝ මානසික රෝගයකින් නොපෙලෙන අයවලුන් මේ සඳහා තෝරාගනු ඇත.
« අදාල ඉල්ලීම පිළිබඳව සසේනි පුද්ගලිකව පරීක්ෂා කර වපසසේ 03 (2) ආකෘතියෙන් ප්‍රාදේශීය ලේකම්ට වාර්තා කිරීම
« ප්‍රාදේශීය ලේකම්ගේ නිර්දේශය සමග අදාල ආකෘතිය සමාජ සේවා පළාත් අධ්‍යක්ෂ වෙත යොමු කිරිම (විෂය භාර නිලධාරී විසින්)
« නේවාසික රැකවරණය ලබාදීම සඳහා ඉඩකඩ ඇති නිවාස වෙත පුද්ගලයින් යොමු කිරීම සමාජ සේවා පළාත් අධ්‍යක්ෂ කාර්යාලයෙන් කරනු ඇත.
« නිවාසගත වීමෙන් පසුව මහජනාධාරයක් ලබමින් සිටියහොත් එය ගෙවීම අත්හිටුවනු ලැබේ.
ග්‍රාමීය වැඩිහිටි කමිටු හා ප්‍රාදේශීය සහ පළාත් වැඩිහිටි බල මණ්ඩල
පිහිටුවීමට හා ශක්තිමත් කිරීමට දායක වීම, දැනුවත් කිරීම
« ග්‍රාමීය වැඩිහිටි කමිටු පිහිටුවීම පිළිබඳව ග්‍රාම සේවා නිලධාරින් දැනුවත් කිරිම (සමාජ සේවා නිලධාරී, ව්‍යාපෘති නිලධාරී, ප්‍රාදේශීය ලේකම්, සමජ සේවා පළාත් කාර්යාලය හා වැඩිහිටි ලේකම් කාර්යාලය හරහා)
« ග්‍රාම සේවා නිලධාරීන් මගින් ග්‍රාමීය වැඩිහිටි කමිටු පිහිටුවීම හා දැනුවත් කිරිම
« ක්‍රියාකාරී ග්‍රාමීය වැඩිහිටි කමිටු සඳහා මුදල් ආධාර නිර්දේශ කිරීම (ග්‍රාම සේවා නිලධාරී හා සමාජ සේවා නිලධාරී වාර්තා අනුව ප්‍රාදේශීය ලේකම් විසින්)
« වල නිලධාරීන් දැනුවත් කිරීම (ව්‍යාපෘති නිලධාරී), සමාජ සේවා පළාත් කාර්යාලය හා
වැඩිහිටි ලේකම් කාර්යාලය හරහා
වැඩිහිටි හැදුනුම්පත් නිකුත් කිරීම
« වයස අවු: 60 න් ඉහල සියළුම වැඩිහිටි පුද්ගලයින් වැඩිහිටි හැදුනුම් පත් ලබා ගැනීමට සුදුසුකම් ලබයි.
« වැඩිහිටි ලේකම් කාර්යාලයේ ලියාපදිංචි ඡායාරූප ශිල්පීන් මගින් වැඩිහිටි හැදුනුම්පත් සඳහා ඡායාරූප ගත හැකි අතර ඡායාරූපය හා වැඩිහිටි හැදුනුම් පත නොමිලයේ නිකුත්
කෙරේ.
« ග්‍රාමීය වැඩිහිටි කමිටුවල සාමාජිකයින් උදෙසා සසේනි මගින් ජංගම වැඩසටහන් සංවිධානය කර ගත හැකිය.
අක්ෂි සායන හා වෛද්‍ය සායන සංවිධානය
« ග්‍රාමීය වැඩිහිටි කමිටු වල මාසික ආදායම රු: 2000/- ට වඩා අඩුවෙන් ලබන සාමාජිකයින් උදෙසා අක්ෂි සායන පවත්වනු පිණිස සසේනි මගින් ජංගම වැඩසටහන්
සංවිධානය කර ගත හැකිය.
« අක්ෂි සායන වලදී ඇස් පරීක්ෂා කර, පසුව ඇස් කණ්ණාඩි සැපයේ.
« රෝහල් වල අක්ෂි සායනයෙන් ඇස් පරීක්ෂා කර නිකුත් කරන වට්ටෝරු අනුවද ඇස් කණ්ණාඩි සැපයේ.
« ග්‍රාමීය වැඩිහිටි කමිටු වල සාමාජිකයින් උදෙසා වෛද්‍ය සායන පවත්වනු පිණිස සසේනි මගින් ජංගම වැඩසටහන් සංවිධානය කර ගත හැකිය.
ඇස් කණ්ණාඩි සැපයීම
« ආබාධ සහිත පුද්ගලයින් සඳහා උපකරණ ආධාර සැපයී යටතේ දක්වා ඇති ක්‍රියා පරිපාටිය මීටද අදාල වේ.
බාගත කිරීම
Last Update :-
1st Jan 2023
